ബെംഗളൂരു : കോവിഡ് രോഗത്തിൻ്റെ മറവിൽ ഇതിനെ ദുരുപയോഗം ചെയ്യുന്നവരുടെ എണ്ണവും കൂടുകയാണ്.
കോവിഡ് ബാധിച്ച സ്ത്രീയെ ആംബുലൻസ് ഡ്രൈവർ ലൈംഗിക പീഡനത്തിന് ഇരയാക്കിയ സംഭവം ഏതാനും ദിവസങ്ങൾക്ക് മുമ്പാണ് കേരളത്തിൽ നടന്നത്.
കോവിഡ് പോസിറ്റീവ് ആണ് എന്ന് വിശ്വസിപ്പിച്ച് യുവതിയെ ആംബുലൻസിൽ കൊണ്ടുപോവുകയും കാണാതാവുകയും ചെയ്തതാണ് ഏറ്റവും പുതിയ വാർത്ത.
വീട്ടുകാരുടെ പരാതിയിൽ പോലീസ് അന്വേഷണം ആരംഭിച്ചപ്പോൾ ആണ് സംഭവത്തിന് പിന്നിലുള്ള സത്യം അറിയുന്നത്.
കോവിഡ് എന്നെഴുതിയ ആംബുലൻസിൽ പി പി ഇ കിറ്റ് ധരിച്ച് എത്തിയവരാണ് ബൊമ്മനഹള്ളിയിലുള്ള യുവതിയുടെ സ്രവ പരിശോധന നടത്തിയത്, അടുത്ത ദിവസം എത്തിയ ഇതേ സംഘം യുവതിക്ക് കോവിഡ് പോസിറ്റീവ് ആണെന്ന് അറിയിച്ച് ആശുപത്രിയിലേക്ക് എന്ന വ്യാജേന ആംബുലൻസിൽ കൊണ്ടു പോകുകയായിരുന്നു.
അന്വേഷണം നടത്തിയ പോലീസ് പറയുന്നത് യുവതി ഇപ്പോൾ ഡൽഹിയിൽ ഉണ്ട്, സ്വന്തം താൽപര്യ പ്രകാരം പോയതാണ് എന്നും അവർ സമ്മതിച്ചു. എന്തായാലും തുടരന്വേഷണം നടത്താൻ തന്നെയാണ് പോലീസിൻ്റെ തീരുമാനം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
